E' gunfalòun nov
Cl'an e' cumeun 'd Samaèvar l'avòiva ciap 'na bèla decisiòun:
andaè ma la maèrcia par la paèsa Perugia-Assisi s'e' nov gunfalòun.
Via alòura s' la machina de' cumeun int cla dmenga 'd maz,
che pu rivat a là ui tucaèva m'una vigilèsa a strabighel a la fòin de' viaz.
Se' pòst, la pròima ròba da faè, l'è staè tirel fura da e' bagajèr
e pu un pez a la volta muntaè ste bandiròun ch'e paròiva d'azaèr,
sé, parché l'era nov, e u n'era mai staè tirat fura da la su valoisa
e l'è par cvèl ch'i m'avòiva tolt sò mu mè, par daèi 'na maèna s'l'era fadoiga.
Òs-cia su j era e' bsògn, pena ch'avem mes tot i pez in foila par muntaèl,
l'era vnu fura una spezi 'd tabernaècval ch'an savòiva cmè ch'us feva a purtaèl.
La ragaza ch'la l'avòiva da purtaè sò pr'un bèl pez 'd straèda
l'era cla zuvnòta che in televisiòun mois pròima la j era staèda,
amo, la sa s'armjeva ma la Carrà, e paròiva propi la su gemèla,
mo adès ui tucaèva che madòun impstaè e un cuntaèva gnent a ès bèla.
Cio, e bsaèva un azident e cmè ch'la prova a tol sò tota inguboida,
s'an la tnòiva mè, e' vent u la purtaèva vì tacaèda me' gunfalòun 'd là da la ròida.
Snò a pansaè ch'la l'avòiva da purtaè dinaèlt in purtisiòun,
la feva 'na faza la puròina cmè su i stes par ciapaè un s-ciupòun.
L'avòiva un pòis che diavlaz ch'u n'era 'd sicheur ròba da sgnuròina,
'd mas-ci ai s'era snò mè e ma coi ch'ui tucaèva rapaès sò ma la culòina?
Sòta dòunca, u j era poch da staè a lè a pansaèi e nu fema de' casòin,
mo diobosi cmè che bsaèva e pu e tireva ènca dal fulaèdi caèldi 'd garbòin.
Cio, un s' tnòiva, ò guers cmè ch'i feva chilt a purtaè e' su gunfalòun
e a m'n'un sò infat ch'j avòiva fisé e' mangh m'un rubost zinturòun.
A l'avem zarcaè ènca nòun 't la bòursa e 't e' bagajer, mo gnent da faè,
l'era nov, e mu 'na ròba acsè. niseun u j avòiva mai a gnenca pansaè.
Senza fisè e' mangh e sa che vent che tireva, l'era guasi mèi a lasé perd,
bèla figheura però ch'a fimi, ch'avresmi fat roid tot e' pajòis, l'era piò che zert.
Alòura am sò infilé cla sbara longa 'd fèr 't la zinteura, dròinta la bartavèla,
“Ce la fai?”, la m'à dmand la mòi un po' spavantaèda e s'un po' 'd tramarèla,
“Sè” a j ò arspòst, “però a t'avois, che pu ma caèsa ta n'epa 'na surpròisa,
u ni vo gnent ch'as zughema i giujel 'd fameja int st'impròisa,
se ste fèr um s-cend un ènt po' piò zò e e' garbòin un dà mòint,
u ni vo gnent ch'a vdema vulaè vi st'impiastar si strumoint de' gudimòint!”.
Rivat in caèv strach e sudé, ò daè un'uceda me' gunfalòun.
Cio, un gn'era disigné un vèscval ch'e sa dò doidi e deva la benediziòun?
San Maèvar l'era un fraè, cvèst u j a frigaè e' pòst, leu un gn'òintra gnent,
e mè ò cnu faè tot ste strapaz, ch'u ni vo gnent ch'um zusdez un brot inzident?
Par purtaè a spas ste vèscval, ò patoi e' caèld, la fadoiga e rischié 'd finoi castraè,
intaènt leu u s'la ridòiva e sa l'òs-cia sèl che 'd mè me' su signuròin u j avrà racuntaè.
Il gonfalone nuovo
Quell'anno il comune di San Mauro aveva preso una bella decisione:
andare alla marcia per la pace Perugia-Assisi col nuovo gonfalone.
Via allora con la macchina del comune in quella domenica di maggio,
che poi giunti sul posto spettava ad una vigilessa trascinarlo alla fine del viaggio.
Sul posto, la prima cosa da fare, è stato tirarlo fuori dal bagagliaio,
poi un pezzo alla volta montare sto bandierone con attenzione, ohi, pareva acciaio,
sì, perché era nuovo, non era mai stato tirato fuori dal contenitore
ed è per quello che mi avevano preso con loro, per dare una mano da servitore.
Orca se c'era bisogno, appena abbiamo messo in fila i pezzi per montarlo
era venuto fuori una specie di catafalco che ignoravo come si poteva trascinarlo.
La ragazza che doveva sorreggerlo in salita per un bel pezzo di strada,
era quella giovinetta che in televisione mesi prima vi era stata,
certo, si assomigliava alla Carrà, sembrava proprio la sua gemella,
ma adesso le spettava quel mattone pesante e a niente serviva essere bella.
Ohi, pesava un accidente e come prova a sollevarlo con sincera volontà,
se non la reggevo io, il vento la portava via col gonfalone a rischio dell'incolumità.
Solo a pensare che lo doveva portare nella salita in processione,
assumeva uno sguardo la poverina come se fosse preda di una grande apprensione.
Aveva un peso quel diavolaccio che non era certo materia per una signorina,
di maschi c'ero solo io e a chi spettava arrampicarsi su per la collina?
Sotto dunque, c'era poco da star lì a pensare e non facciamo casino,
ma diobuono come pesava e poi arrivavano pure folate calde di garbino.
Ohi, non si reggeva, ho visto come facevano gli altri a portare il loro gonfalone
e mi sono accorto che avevano fissato l'asta ad un robusto cinturone.
L'abbiamo cercato anche noi nel borsone e nel bagagliaio, ma niente da fare,
era nuovo e ad un affare così, nessuno vi aveva mai neanche provato di pensare.
Senza fissare l'asta e col vento che tirava, era quasi meglio lasciar perdere,
bella figura avremmo fatto, che avessimo fatto ridere l'intero paese, era da credere.
Allora mi sono infilato quella lunga sbarra di ferro nella cintura sotto la patta,
“Ce la fai?”, mi ha chiesto la moglie un po' spaventata e un po' contratta.
“Sì”, ho risposto, “però ti avviso, che poi a casa tu non abbia una sorpresa,
non ci vuol niente che ci giochiamo i gioielli di famiglia in questa impresa.
Se sto ferro mi scende un altro po' più in giù e il garbino cresce e si fa violento,
si potrebbe veder volar via st'impiastro con tutti gli strumenti del godimento!”.
Giunto alla fine stanco e sudato, o dato un'occhiata al gonfalone.
Ohi, non c'era disegnato un vescovo che con due dita dava la benedizione?
San Mauro era un frate, questo gli ha sottratto il posto, lui non c'entra niente,
ed io ho dovuto fare tutto sto strapazzo, che ho rischiato accadesse un incidente?
Per portare a spasso il vescovo, ho patito caldo, fatica e la castrazione ho rischiato,
intanto lui se la rideva e al suo signore chissà che cosa di me gli ha raccontato.
Ultimi Commenti