TRÒPA LONGA L'ETERNITÀ
A simi a Vieste mè e la mòi s'la spiagia 'd Pizzomunno, cmè ch'i la j à ciamaèda.
L'era cvèst e' num d'un bel ragaz che e steva int cla burgaèda.
D'imstir e feva e' piscadòur e l'andeva pr'e' maèr s'la su barchèta,
mo l'era acsè bèl che 'd leu u s'inamuret una sirena ch'l'era la reginèta
e l'al vlòiva tot par sé e ch'l'andes se' fònd sa lì che saria dvent e' rè,
e u n'avòiva d'avòi paveura dla morta ch'la j a pansaèva lì a faèl par sempra campaè.
Leu però l'avòiva 'na scofia mata int la su bèla muròusa,
la s' ciamaèva Cristalda, e u n'avdòiva l'òura ch'la dvantes la su spòusa.
Una sòira ch'j era disdòi sla spiagia a faè l'amòur
e vnet fura da e' maèr un braènch 'd sireni ch'ai li det un gran dulòur,
u li avòiva mandi la reginèta zlòusa e cvèsti la ragaza da carogni al ciapet,
pr'al gambi al la tiret sòtacva duvò che la puròina afugaèda la muret.
Che por sgrazié u n'avet un guai, mo un guai ch'l'era propi spraè,
l'arvanzet a lè sla spiagia a pienz, a rog e la su dòna a ciamaè.
Cvant che a la matòina la zenta la j andet a zarcaèl, i truvet una muntagna,
l'era dvent una preda aèlta e bienca a forza 'd pienz par avòi pers la su cumpagna.
Sgònd a la fola, ancòura òzdè, ògni zent'an, chi du raghez
i s'incòuntra 'd nòta sla cla spiagia duvò ch'agl'j òndi al va a s-ciantaès tra i scvez.
La sturièla la j è andaèda a finoi a San Remo tra al canzunèti,
e sobit 't la zità a j a pansaè d'invantaès un arciem pr'al cupièti,
j à scret toti al paroli dla canzunèta int i scalòin d'una longa scaèla,
adès i doi che se deu ch'is vo ben i va sò da lè i pò faè 'na ròba da na putòi scurdaèla,
bsògna però rivé in caèv e tnòis sempra maèna int la maèna e un còunta l'età,
alòura e' ben 'd che mumòint e putrà duré par l'eternità.
Cio, vest ch'a simi se' pòst, t'an la vu faè?
Ch' un sipa mai, tra mè e mè am sò trov a barbutlaè,
va però a capoi che brota poiga ch'al pò ciapaè stal ròbi strambi,
par staè 't e' sicheur tnema al maèni 't la bazcòza e sperema che rèza al gambi.
Stema tenti valà ch'un sa moiga cmè ch'al va a finoi al ròbi a cuazò,
e se par caès tot cvèl ch'i doi e fos da bon e indrì un s'putes turnaè piò?
Ta m'é da faé una brèta tè, u n'è, zeura, che t'am vu ciavé!
T' ai pens a vlòis ben par l'eternità? La j è longa, tròpa longa, un s'fines mai 'd bazilé!
Eravamo a Vieste io e la moglie sulla spiaggia di Pizzomunno, come l'han chiamata.
Era questo il nome di un bel ragazzo che abitava in quella borgata.
Di mestiere faceva il pescatore e andava per mare sulla sua barchetta,
ma era così bello che di lui si innamorò una sirena che era reginetta,
lo voleva tutto per sé e che andasse sul fondo con lei che re sarebbe divenuto,
e non doveva temere la morte, ci pensava lei e per sempre sarebbe lì vissuto.
Lui però era follemente innamorato della sua bella morosa,
si chiamava Cristalda e non vedeva l'ora di farla sua sposa.
Una sera che erano seduti sulla spiaggia intenti ad amoreggiare,
dal mare sortì un gruppo di sirene che lo indussero a penare,
le aveva inviate la reginetta gelosa e queste da carogne la giovane catturarono,
la presero per le gambe e la poverina morì affogata sott'acqua dove la tirarono.
Quel povero disgraziato ne ebbe un dolore, ma un dolore da disperato,
rimase in spiaggia a piangere e la sua donna per tutta la notte pare abbia invocato.
Quando al mattino la gente andò a cercarlo, trovarono una montagna,
era divenuto un faraglione, impietrito dal dolore per aver perso la sua compagna.
Seconda la favola, ancora oggigiorno, ogni cento anni quei due ragazzi
si incontrano di notte su quella spiaggia dove le onde si schiantano tra alti spruzzi.
La storiella è andata a finire a San Remo tra le canzonette,
e subito nella città han pensato d'inventarsi un richiamo per le coppiette,
hanno scritto le parole della canzone sui gradini di una lunga scala
ed ora dicono che se due amanti la percorrono, possono vivere un'esperienza rara,
bisogna giungere in cima, tenersi sempre mano nella mano a prescindere dall'età,
allora il bene di quel momento potrà durare per l'eternità.
Ohi, visto che eravamo sul posto, non la vuoi fare?
Non sia mai, tra me e me mi son trovato a mormorare,
va però a capire che brutta piega possono prendere queste cose strambe,
per stare tranquilli teniamo le mani in tasca e speriamo reggano le gambe.
Facciamo attenzione valà che mica si sa come vanno a finire le cose quaggiù,
e se per caso tutto ciò che dicono fosse vero e indietro non si potesse tornare più?
Mi devi fare una beretta tu, non è, giura, che mi vuoi fregare!
Ci pensi amarsi per l'eternità? È lunga, troppo lunga, non si finisce mai di penare!
Ultimi Commenti