Par ès campieun ui vo e' cugnum giost
A segg an a bsaèva zà piò d'un cvintaèl 'd caèrna bona, moiga pataèti e fasul,
e andeva a scuola int un Istiteut par dvantaè mèstar dninz Frampul.
S'la mi staza e s'la mi forza a s'era 'na speraènza par tiré e' desch e e' pòis,
e' desch a ne cnusòiva, mo a mi sò mes e par dvantaè braèv u m'è bastaè un mòis.
A d Avroil a Furlè, cmè ch'us feva tot j an, u j era e' campiunaé pruvinciel,
e' mi prufesòur 'd ginastica um steva sempra drì cmè s'a fos speciel.
Dòp mois a pruvaè e arpruvaè, tra i cumpagn 'd scola a s'era e' campiòun,
int e' caèmp spurtoiv im steva tot datònda e mè ai deva 'd dròinta s'una gran pasiòun.
Cvant ch'l'arivet e' temp di campiuné e' prufesòur l'avnet da mè 'd gran carira,
e um get che e' dè dòp andimi a Furlè e 'd purtaèm drì calzeun curt e canutira.
Rivat a là, mai vest tot chi studint mucì tònda e' caèmp e d'ògna taènt i cantaèva,
la fazenda la s'feva griva, mè alòura an m'arisgheva e, da e' scagaz, tot a tarmaèva.
S'a cvèl ch'avòiva port da caèsa am cambiet t'un cambartòin tacaè ma la meura:
canutira bienca da tot i dè un po' slabraèda e calzunzin blu s'l'elastich 't la zinteura,
l'era che mudèl che se ta t cuvivi, da una còsa, sicheur, ch'u t'avnoiva fura una pala,
acsè cunzé a m'aviet m'e' purtòun de' caèmp par antraè a faè la mi gara.
'T e' vdòi chilt, u j era da pienz, tot mudì ch'i paròiva fint, di gran sbureun,
canutiri culuraèdi, calzunzin 'd raès, cio, mu mè im paròiva tot di campieun,
u s'avdòiva ben che mè avnoiva da la periferì, a paròiva propi i fiul de' purèt,
stoi a la bona, faza bienca, occ sbaré e um tarmaèva prinfena i dint e e' barbèt.
Cvant ch'i ciamet cvei de' laènz de' desch pr'andaè in pedaèna,
mè a s'era andaè s'la tèsta in cunfusiòun, avòiva 'na fifa putaèna.
Zet e mòsca, andet dri ma chilt, a gimi l'ès 'na cvingiòina e i desch j era deu in tot,
e par ciapaèn eun bsugneva cor e spatasaè, mè invezi ferum lè a patoi 'd brot.
A steva frèsch sa l'avòiva da ciapaè mè, ch'a feva propi la figheura d'l'insansaè.
L'aroiva e' mi profesòur e e doi ma cvèl ch'u l'avòiva ciap, ch'ui l'avòiva da daè:
“Dammi quel disco, tu hai già provato, questo qui non l'ha ancora avuto in mano!”.
Um dà e' desch, al ciap, a vagh in pedaèna pin 'd tarmasaòun e paveura,
a faz e' zoir par daèi piò spatasa e pu al las andaè a là vajòun vers l'aventeura,
u n'avòiva ancòura tòc matèra che tot datònda u s'era fat un gran zet,
e sobit dòp a sint a doi: “E chi lo batte questo?”. Ah sé, par mè un bèl det,
avòiva ciap un po' 'd culòur, cio an s'era e' pez, um piasria 'd pruvaè darnov.
E' profesòur e rogg: “Portate qui quel disco che fa l'ultima prova!”. Alè, arprov.
Mèi ch'n'è pròima e tot a doi: “Questo ha già vinto!”. Òs-cia, 'd mè i giòiva.
I pruvaèva ènca chilt, ma duvò ch'l'era rivat e mi desch, niseun ui la fasòiva,
in gn'andeva a gnenca daprèsa. “Ho fiducia in te!”. Um doi pien e' pròfesòur.
L'altoparlaènt e rogg ch'e cminzeva la gara, sì toir pr'on e ch'as fasesmi unòur,
e pu ma ògni tiradòur ui ven daè un nomar da tacaè m'un nastar,
e, par finoi, piò fort ch'i santes tot: “Uno: Bellini...! Due: Maroni...!”. Un disastar!
Pena ch'u s'è santoi: “Due: Maroni...!”, da sèch u s'aèlza 'na gran risaèda,
bèla fadoiga, chi scuaiuné sal gradinaèdi, i n'avdòiva l'òura 'd na strunzaèda,
i ridoiva 'd mè, propi e' dò i m'avòiva da daè? Coi ch'l'è staè, l'à fat la carògna,
leu e giòiva roid cuntent, mo mè am saria sploi sòta tèra da la vargògna.
Avloi savòi cmè ch'la j è andaèda a finoi la mi pròima cumpetiziòun?
Sempra “lancio nullo”, tèsta e gambi al m'un tnòiva piò sò, tot al volti un ruzlòun.
E' pròfesòur un m'à gnenca saluté, mo a tiré che bazar dl'òs-cia un m'à piò vest,
la mi carira la j è finoida int che dòpmezdè, u m'era andaè vì la voja d'insest.
Per essere campioni serve un cognome adeguato
A sedici anni pesavo già più di un quintale di carne tosta, mica patate e fagioli,
frequentavo la scuola di un Istituto per divenire maestro in quel di Forlimpopoli.
Con la mia stazza e forza ero una speranza nel lancio del disco e getto del peso,
il disco lo ignoravo, ma mi sono applicato e per diventare bravo è bastato un mese.
Ad aprile a Forlì, come si era usi da anni, si disputava il campionato provinciale,
il mio professore di ginnastica mi seguiva da vicino, quasi fossi speciale.
Dopo mesi a provare e riprovare, tra i compagni di scuola ero il campione,
nel campo sportivo mi osservavano ed io mi impegnavo con grande passione.
Quando fu il tempo dei campionati, il professore venne da me di gran carriera,
e mi disse che il giorno dopo andavamo a Forlì e di portare calzoncini e canottiera.
Giunti là, mai visto tanti studenti attorno al campo e ogni tanto si udiva cantare,
ohi, la questione si faceva pesante, io ero timidissimo e non facevo che tremare.
Con ciò che avevo portato da casa mi cambiai in un box accanto alle mura:
solita canotta bianca un po' slabbrata e pantaloncini blu con l'elastico nella cintura,
era quel modello che se ti inginocchiavi, certo che dalla coscia usciva un coglione,
così conciato mi avviai all'ingresso del campo ed entrare per la competizione.
Nel vedere gli altri, c'era da piangere, tutti eleganti da sembrare finti, dei damerini,
canottiere colorate, calzoncini di raso, ohi, a me parevano tutti dei campioncini,
ben si notava che io venivo dalla periferia, sembravo proprio il figlio del poveretto,
vestito alla buona, faccia bianca, occhi sbarrati e mi tremavano i denti e il barbetto.
Quando chiamarono quelli del lancio del disco per andare in pedana,
io ero con la testa in confusione, avevo una fifa puttana.
Zitto e mosca, seguì gli altri, eravamo una quindicina, i dischi erano due in tutto,
per averne uno, bisognava correre e spingere, invece io immobile soffrivo di brutto.
Stavo fresco se dovevo prenderlo io, che intanto facevo la figura dell' insensato.
Giunge il mio professore e, dice a quello che l'aveva preso, che a me l'avesse dato:
“Dammi quel disco, tu hai già provato, questo qui non l'ha ancora avuto in mano!”.
Mi allunga il disco, lo prendo, vado in pedana colmo di sospiri e paura,
compio un giro per dargli più spinta e poi lo lascio andare all'avventura,
non aveva ancora toccato terra che tutto attorno s'era fatto un silenzio perfetto,
e subito sento uno dire:“E chi lo batte questo?”. Ah sì, per me un bel detto,
avevo preso un po' di colore, ohi, non ero il peggiore, mi piacerebbe riprovare.
Il professore grida:“Portate qui quel disco che fa l'ultima prova!”. Sì, lo posso fare.
Meglio di prima e tutti a dire: “Questo ha già vinto!”. Di me dicevano.
Provavano anche gli altri, ma dove era giunto il mio disco, loro non ce la facevano
e neanche gli si avvicinavano. “Ho fiducia in te!”. Mi sussurra il professore.
L'altoparlante annuncia l'inizio gara, sei tiri a testa e che ci facessimo onore,
e poi ad ogni lanciatore viene attribuito un numero da appendere ad un nastro,
infine, a voce alta che udissero tutti: “Uno: Bellini..., due: Maroni...”. Un disastro!
Appena si sente: “Due: Maroni...!”, immediatamente si alza una sonora risata,
ridevano di me, proprio il due dovevano darmi? L'autore è stato una carogna,
lui forse stava ridendo contento, ma io mi sarei sotterrato dalla vergogna.
Volete sapere come è andata a finire la mia prima competizione?
Sempre “lancio nullo”, testa e gambe non mi reggevano, tutte le volte un ruzzolone.
Il professore non mi ha salutato, ma a lanciare quell'arnese non mi ha più notato,
la mia carriera è finita quel pomeriggio, sparita la voglia, non ho più lanciato.
Ultimi Commenti