LA MADÒNA DLA ZLÒINA DE' GNÒUN
A Samaèvaèr ui n'è pu agl'j èlti dò dla zlòini
fati par ringrazié cal boni madunòini,
e in sti caes i mirecval i j è staè da bon, moiga na rubèta pursì.
Ona l'è cvèla de' Gnòun, 't l'incròus pr'andaè a Gatì,
la j à fat nas int cla caèsa: Gino, un gran braèv zugadòur,
cio, moiga 'na boza, Juventus e naziunaèla, par Samaèvar un unòur.
A staè ma sèl ch'us giòiva cvand che mè a s'era burdèl
se e' su ba l'aves saveu pròima che e' miraècval l'era cvèl,
un l'avria tirata sò, dis ch'u n'era cuntent par gnent
che e' su fiol e fases e' zugadòur, par leu u n'era cunvegnent.
Gino l'avòiva cminzé 't e' caèmp spurtoiv duvò ch'u j è al scoli adès,
e' su ba, u j andeva a ragné e al fòurmi dal scaèrpi u li tireva da spès.
I racòunta ancòura int e' nòst paistòin
che sempra e' su ba ma cvei ch'i l'avòiva port a faè e' pruvòin
e fat in modi ch'il tules 't la Juventus, ui giòiva tra i dint:
“A m'à voi vandeu un fiol, canaji e braènch 'd delincvint!”.
Un aènt “mistero”! Tè t'ai dmand 'na ròba
e lì la t'n'un dà un'aènta e tè zet e nisona bòba.
Boh, us doi piòtòst ch'nè gnent, l'è mèi piòtòst,
tulema sò e, bun e zet, stema 't e' nòst pòst!
LA MADONNA DELLA CELLETTA DI STACCHINI
A San Mauro ce ne sono altre due di celline
innalzate per ringraziare quelle buone madonnine,
e in questi casi i miracoli ci sono stati davvero, roba da farne un museo.
Una è quella di Stacchini, nell'incrocio per andare a Gatteo,
ha fatto nascere in quella casa Gino, un bravo calciatore
ohi, mica una buccia, Juve e Nazionale, per San Mauro un onore.
A stare a ciò che si diceva quando io ero un bambinello,
se suo padre avesse saputo prima che il miracolo era quello,
non l'avrebbe eretta, si dice non fosse contento per niente
che suo figlio facesse il calciatore, per lui non era conveniente.
Gino aveva iniziato nel campo sportivo dove ci sono le Medie adesso,
suo padre, andava a sgridarlo e le forme delle scarpe gliele tirava spesso.
Si racconta ancora nel nostro paesino
che sempre suo babbo a coloro che l'avevano portato a fare il provino
e operato affinché lo accogliessero nella Juventus, li rimproverava tra i denti:
“Mi avete venduto un figlio, canaglie e branco di delinquenti!”.
Un altro “mistero”! Tu le chiedi una roba
e lei te ne dà un'altra e tu muto e nessuna boba.
Boh, si dice piuttosto che niente, è meglio piuttosto,
prendiamo su e, buoni e zitti, stiamo al nostro posto!
Ultimi Commenti