E' BEN TRA FRADEL
Un dòpmezdè d'una volta tra leun e scheur,
't la scola u j era la riugnòun di geniteur,
dòp avòi det 'd cvèst e 'd cvèl,
la aèlza 'na maèna la ma d'un burdèl
e l'am doi s'la pò faèm 'na dmanda
su 'na cvis-ciòun ch'la i dà un pansir a la granda.
“Mo u sa capes sgnòura, a sò a què a pòsta,
ch'l'am dega pu e, sa pòs, ai darò n'arspòsta!”.
E lì l'am doi ch'la j è bèla spraèda,
parchè i su du fiul i la j à bèla sbranaèda,
e zuzed ch'se la s'luntaèna 'na muloiga snò,
chi du descual is caèva j occ che 'd pez un s' pò,
e s'una cativeria che badaèi se' s-ciòp l'è nurmaèl,
che sinò u ni vo propi gnent ch'is faza maèl.
Acsè la vlòiva savòi da mè
se 'd ste brot lavuraz u j era un parchè
e cmè ch'u si putòiva faè fròunta,
che piò i cres e piò la tegna lai vòunta.
“Sgnòura”, a j ò arspòst, “da fat, a ne sò,
mo cvant che s'la tèra 'd geniteur ui n'era deu snò,
e ch'j avòiva ènca lòu du fiul a faèi cumpagnì,
bemo, eun u n'à mazaè clèlt par coipa dla gelusì?”.
IL BENE TRA FRATELLI
Un pomeriggio di tanti anni fa verso sera,
a scuola la riunione dei genitori si teneva,
dopo aver illustrato questo e quello,
alza la mano la mamma di un monello
e chiede se può farmi una domanda
su una questione che di preoccupazione gliene dà tanta.
“Ma certo, sono qui per questo apposta,
mi dica pure signora e, se posso, le darò risposta!”.
E lei mi dice che è oramai disperata,
perché i suoi due figli l'hanno oramai devastata,
accade che se si allontana anche un solo momento però,
quei due discoli si cavano gli occhi che peggio non si può,
e con una cattiveria che sorvegliarli col fucile è cosa normale,
sennò non ci vuole proprio niente che si facciano male.
Così voleva sapere da me
se di questa brutta situazione c'era un perché
e come la si poteva affrontare,
in quanto più crescevano e più la rabbia pareva aumentare.
“Signora”, le ho risposto,“del tutto certo non lo so,
ma quando sulla terra di genitori ce n'erano due in tutto
e che avevano anche loro due figli a fargli compagnia,
ebbene, uno non ha ucciso l'altro per colpa della gelosia?”.
Ultimi Commenti